श्री स्वयंभू महेश – हल्लीचा मानव अतिशय अहंकारी झाला आहे. त्याला गुरुपद कळलेले नाही.
गुरुपद म्हणजे आकार आला. मानवाला त्याची सेवा करायला त्रासदायक होते, मग त्याला सद्गुरू चरण कसे सापडणार? ज्याला काही कळत नाही, तो उघड्या धोंड्याला शेंदूर थापून त्याला आकारात आणतो, त्याच्या पाया पडतो पण त्याला बोलता येत नाही. अशा गोल आकारी दगडाच्या पाया पडणारा मानव त्याला बोलत्या चालत्याचे दर्शन घ्यावयास लाज वाटते. असेच मानव आज आपण पहात आहोत. काय चालले आहे हे कळते आहे, पण मानव फसतो आहे.
मानवानेच आकार आणि मूर्ती बनवली. तिची स्थापना केली, पण त्याची व्यवस्था नसेल तर कुत्रा त्या ठिकाणी नीच कृत्य करतो त्याच्याच मानव पाया पडतो. अशावेळेस ईश्वर तत्व कुठे आहे हे त्याला कळत नाही. कुत्र्याने जरी नीच कर्म केले तरी त्यात देखील सत् आहे, पण पाहणाऱ्यालाच दिसेल, पण दगड अन् कुत्रा सारखाच का? पण जो पाहिल त्यालाच ते कळेल आणि तसे जो पाहिल तोच मानव श्रेष्ठ आहे. ©️