भक्ती साधी सोपी आहे. ती कोणाला? असत मार्गी ज्योती भक्ती करतात. तिला भक्ती म्हणता येईल का?
मी सेवेकरी आहे. मी मालकांसाठी काय केले आहे? मालकांना सर्वस्वी जाणीव आहे. सेवेकऱ्यानी म्हणू नये की, मी करतो ते मालकांना काय माहीत? मालिक सर्व पहात असतात. सेवेकऱ्याची अब्रू गेली तर मालकांचीही जाते. जो सेवेकऱ्यांचा मान तोच मालकांचा मान. त्यासाठी सेवेकऱ्यानीं आतून बाहेरून पूर्णांगी शुद्ध असले पाहिजे. माझे मालिक याशिवाय काही नाही.
हे जर बोल निघून तो जर मालकांच्या ठिकाणीं तन्मय असेल तर दर्शनाला विलंब नाही. मालिक कस घेतात. आसनाधिस्तांचा जसा कस घेतला तसा सेवेकऱ्यांचा घेतला, तर एकही टिकणार नाही. परंतु फक्त मनाचाच कस घेतात. पूर्व योनीत घडलेले कर्मसंचित चांगले म्हणूनच याठिकाणी आलात. त्याचप्रमाणे आता सत् केले तर पुढे कामाला येईल. जे ऐकता ते मनन पूर्वक ध्यानात ठेवा. त्याच्यावर येथून गेल्यावर पूर्णत्वाने विचार करा. सेवेकरी हा सत् मार्गानेच जावयास पाहिजे. (सुरू…१)©️