श्री समर्थ मालिक – सर्वांगीण सद्गुरु सेवा – सर्वांगीण सद्गुरु सेवा करणारा सेवेकरी आहे का? सर्वांगीण सद्गुरु सेवा करतो म्हणजे तो सेवेकरी कसा असतो? तो निष्कांचन असून, त्याचे ठिकाणी पूर्णत्व वैराग्य वृत्ती असते. हे सर्वस्व माऊलींचे असून माझे काहीही नाही अशी पूर्णत्वाने त्याची वृत्ती असते. ज्या वेळेला शरण, त्याच वेळेला त्याने आपले तन-मन-धन सर्वस्व सद्गुरू चरणांवर वाहिले आहे.
आपण त्या अनंतांचे सेवेकरी असून, अनंत कणातला शेवटच्या पायरीचा एक कण आहोत, अशा स्थितीने मनाची चंचलता न ठेवता स्थिर राहून त्यात डुंबून राहिले पाहिजे. सेवेकरी १७ व्या जीवनकळेचे पाणी पीत राहिला, तर सर्वांगीण सेवा होते. मात्र १७ वी जीवन कळा अखंड सुटली आहे, पण त्याचे पाणी प्यायला की नाही हे मला सांगता येत नाही. प्यायलेला असेल तर त्याने स्पष्टीकरण करणे.
सद्गुरु चरणात निमग्न झालेली ज्योत असे म्हणेल का? माझ्याकडे लक्ष टाका, माझ्या मुलाकडे पहा, बायको भांडते आहे, हे सांगणे आसनाजवळ येत असते. सर्व सेवेकऱ्यांचे येत असते. मग तू सेवेकरी सर्वांगीण सद्गुरु सेवेत निमग्न झाला आहे असे म्हणता येईल का? ©️