श्री विठ्ठल – सर्वस्व ओंकार सत्य आहे हे म्हणता येईल का? ओंकार सत्य आहे म्हणून हे सत्य आहे. मानव सर्वस्व आकारी आहेत. ओम स्वरूप आकारी आहे, पण ओंकार स्वरूप मानव बनला का? मानव तत्वरुप बनला तर हजारो व्याप करण्याची काय आवश्यकता? ज्यांना शरण आहे, त्यांचे आदेश तळ हातावर झेलले, तर ओंकार स्वरूप होऊ शकतो, पण कशातच काय नाही, मग ओंकार पाहता येईल का?
एकच, जे अखंड सत आहे, तेच नैतिक सत्य आहे. तेच सत, त्यानेच भौतिक सत्य निर्माण केले आहे, म्हणून अखंड जे नाम तेच नैतिक सत्य आहे. ही मेख आपल्याला मिळाली अन अशा तऱ्हेने वाटचाल केली, तर ते का मिळणार नाही? मग ओंकार स्वरूप होणार नाही का? नैतिक सत्याची माहिती कुठून मिळते? सर्वस्वाचे निधान जे सत आहे, ते स्वतःच हस्तगत झाले, तर त्याच्यापासूनच ह्या सर्वस्वाचा उलगडा होईल.
सद्गुरु केले नाहीत, तर सर्व जाग्यावर रहाते. तेव्हा सद्गुरूं शिवाय ते सापडणार नाही. गुकार म्हणजे काय? म्हणजे आकाराला शरण गेल्याशिवाय ते कदापिही सापडणार नाही. निराकाराची गती मिळणार नाही. जे निराकार आहे, तेच नैतिक सत्य आहे. त्यांनीच हे निर्माण केले आहे. भौतिक जे आहे ते चमत्काराने नटलेले आहे. जे नैतिक सत्य आहे त्यांनी कर्तव्यासाठी तत्वे निर्माण केली आहेत.
पण मला वाईट वाटते की सताचा अंत कोणी घेतलेला नाही. हे दुःखाने का म्हणावे लागते तर त्यांची अन माझी हुज्जत झालेली आहे. सताला मान आणि अपमान पण नाही. पण आम्ही या दोन्ही तत्त्वाने नटलेलो होतो. ज्या वेळेला संदेश मिळाले की दुसरा विठ्ठल निर्माण करा, मग असे जे सत आहे त्याला काय म्हणावे? याची बरोबरी कोणी करील का? जे अखंड सत आहे ते थोड्याच अवधीत प्रगट होणार आहे, मग सर्वस्व समजेल. ©️