मन आणि माया –
माया म्हणजे काय? कोणी पाहिले आहे काय?
माया म्हणजे स्वयं पद आणि त्या स्वयं पदाचा प्रकाश !! त्या प्रकाशाला माया म्हणतात. म्हणजे ज्योत आणि ज्योतीचा प्रकाश !
त्या प्रकाशात स्थूल मानव पाहतो. तो पाहून त्याला भाळतो आणि जे जे दृष्टीस पडेल, ते ते मिळविण्याचा प्रयत्न करतो. ज्या प्रकाशात अमूल्य वस्तू दिसत आहे, त्या वस्तूंपासून आपले संरक्षण होईल अशी मानवाची भावना, म्हणून ती स्विकारण्याचा प्रयत्न करतात.अमूल्य वस्तू खरी, पण तिजपासून पुढे काय होईल याचा विचार नाही, याला माया म्हणतात. माया कोठून आली हे ही याला समजत नाही. मायेला हे कळत नाही की, मी कोठून आले?
ज्योत आणि प्रकाश एकमेकांवर अवलंबून आहेत, हे काहीं सेवेकऱ्यांना कळत नाही. म्हणून एखाद्या सेवेकऱ्याला त्याची जाणीव नाही. म्हणून कोणी कोणाला मोठा अगर लहान म्हणू नये. याचा अर्थ भक्ती आहे. ©️
(समाप्त)