ॐ कारांचे प्रगटीकरण व सृष्टीची निर्मिती – ॐ च्या उच्चारणात तीन अक्षरे सामावलेली आहेत. ती म्हणजे अ-ऊ-म होय. ही तीन अक्षरे ब्रह्मा, विष्णू, महेश यांचे प्रतिनिधित्व करतात.
जसे, अ हे अक्षर ब्रह्म, ऊ हे विष्णू व म हे महेश अर्थात शंकर यांचे प्रतिक होय असे म्हटले जाते. यांना त्रिगुण या नावाने देखील ओळखले जाते. या त्रिगुणांची निर्मिती ओंकारांपासूनच झाली असे आपल्या दरबारचा इतिहास सांगतो.
निराकारातून धुनधुनकार व धुनधुनकारातून ॐ कार प्रगटले, म्हणजेच निराकारातून जे आकारात प्रसवले ते ॐकार होय ! यानंतरच सृष्टीची निर्मिती झाली व तिच्या देखभालीसाठी त्रिगुणांची निर्मिती झाली !
ॐ कार जपाचे प्रकार – ॐ काराचा जप केला जातो, जो आपणांस ध्यान साधना किंवा ध्यान मार्गाकडे घेऊन जातो. ॐ कार जप करताना प्रामुख्याने शरीराच्या तिन भागांचा विशेषत्वाने समावेश होत असतो. यामध्ये अ चा उच्चार पोटाच्या नाभिकमल या भागातून होतो, तर अ+ऊ = ओ चा उच्चार हा छातीतून होऊन, शेवटी म चा उच्चार बंद ओठातून केला जातो. त्याचप्रमाणे हा जप वैखरी, मध्यमा, पश्यंति व परा ह्या वाणीच्या चार प्रकारे केले जातो असेही म्हटले जाते. (पुढे सुरु….८)