ठेविले अनंते तैसेची रहावे। चित्ती असू द्यावे समाधान।।
आपले सद्गुरु जे आपल्याला सांगत असतात त्याची छाननी करणे, उजळणी करणे प्रत्येकाचे आद्य कर्तव्य आहे. जर सद्गुरूंनी सांगितलेली एखादी गोष्ट लक्षात आली नाही तर समजावून सांगतील, परंतू तुम्ही भक्तीची चाकोरी सोडू नका. अखंड नाम ही महान चित शक्ती आहे. भक्ती आणि तपोभूमी यांची तुलना होऊ शकत नाही. या दोघांमध्ये भक्तीच सर्वश्रेष्ठ आहे. सत युगापासूनच्या ज्योतींनी अदृश्य तऱ्हेने सत सानिध्य मिळवायचे आहे. प्रत्येक सेवेकऱ्याने याकरीता मनाने अत्यंत शुद्ध राहणे आवश्यक आहे. नामस्मरणाच्या गतीने गेल्यानंतर अनंतांना तुम्ही डोळे भरून पाहू शकाल.
त्रिगुण कोणते तर ब्रह्मा, विष्णू, महेश अन त्रिगुणांचेच हे कर्तव्य आहे की या विश्वाचा कारभार हाकणे. क्षिराब्धी केवळ त्यांना आदेश देऊन त्यावर देखरेख ठेवणार. सुरवातीला आमची याच श्रद्धेने कालक्रमणा होत होती की हे सर्व जे आहेत ते आमच्या अनंतांनीच निर्माण केलेले आहेत, परंतु ज्यावेळी आम्ही शोध घेण्यास सुरुवात केली, शुद्धीकरणास सुरुवात झाली त्यावेळी आम्हाला संदेश मिळाले अघोरांचा नाश करा. अघोर म्हणजे राक्षस…©️