श्री कैलासपती स्वयंभू – मी हिमालय पर्वतावर जो बसलो आहे, तो सताच्या आदेशाप्रमाणेच बसलेलो आहे. या ठिकाणी दरबारात आदेश मिळाल्यानंतरच यावे लागते. मग आदेश पाळणे, मानणे हे सेवेकऱ्यांचे कर्तव्य नाही का?
जरी माझे नाव स्वयंभू असले, तरी या स्वयंभूला निर्माण करणारा कोणीतरी स्वयंभू आहे म्हणून, मी एक त्यांचा सेवेकरी आहे असे माझे म्हणणे आहे.
महा म्हणजे काय? तर मोठा. मोठा म्हणजे केवढा? म्हणजे वर्णनाच्या पलीकडे, पाहण्याच्या ही पलीकडे जो आहे तोच महा आहे. महाशिवरात्र – हा शिव कोण? अन् त्याची रात्र कोणती?
महा म्हणजे वर्णनाच्या पलीकडे, म्हणून महा म्हटले आहे. शिव म्हणजे जे आहे ते स्वयमेव तत्व ! त्याला कोणी घडविलेले नाही. आकार दिला नाही, पहावयास गेले तर सापडत नाही, असा जो शिव, त्याच्या ध्यानात सेवेकरी तल्लीन झाला म्हणजे मग रात्र काय आणि दिवस काय हे ध्यानात येत नाही. हिच ती शिवरात्र ! असे जे तत्व तेच सत्! हे घडते कसे? तोच उपदेश अंबेला गुरु गीतेमध्ये दिला कसा? ©️