परम् पूज्य श्री सद्गुरु स्वामी भगवान महाराज
परम पूज्य श्री सद्गुरु माऊली भगवान महाराज पुण्यस्मरण दिन – आजचे हे ३३ वे वर्ष असून माऊलींचा हा मानवी तर्हेने आपल्यासाठी विरह दिनच होय. आपण आज तेवढ्या उंचीपर्यंत पोहचलेलो नाहीत अन्यथा हा शब्दप्रयोग येथे करावा लागला नसता. तरी सुद्धा आपण आपल्या श्री सद्गुरु माऊलींनी दाखवून दिलेल्या, बहाल केलेल्या नामस्मरणाने अद्वैत भक्तीच्या राजमार्गावरुन चाललेले आहोत हे ही नसे थोडके ! आजच्या ह्या दिनी जास्तीत जास्त आपण नामस्मरणात राहून आपल्या माऊलींचे दर्शन आपणांस कसे मिळविता येईल ह्याचाच ध्यास घेऊन ध्यानमय स्थितीने आजचा हा दिन पार करुया !