श्री समर्थ मालिक – सेवेकर्यांनी सत् तत्त्वाप्रमाणे चालले पाहिजे. याप्रमाणे सेवेकरी होऊ लागला तर त्या ठिकाणी लाघवीचे काही चालत नाही. मीच थोडीशी पाहणी करतो. सेवेकरी तत्त्वाच्या ठिकाणी ठाम झाले तर मला काही करता येत नाही.
मी आकारी आहे अन निराकारी पण आहे, पण एकच म्हणावयाचे, जे आकाराकडून संदेश मिळतात, सांगणे होते त्याची जोपासना सेवेकर्यांनी केली पाहिजे. तरी सेवेकर्यांनी सांगितल्याप्रमाणे वर्तणूक ठेवल्यास, त्या ठिकाणी थोडासा का होईना विचार करावा लागतो.
सेवेकरी थोडासा जरी मनाच्या आधीन बनला, मनाप्रमाणे चालला मग त्या ठिकाणी थोडेसे लाघव देखील करावे लागतात. मनाच्या आधीन बनणारे सेवेकरी नसतील आणि नाहीत असे म्हणावे तर सेवेकरी एवढ्या पाठीमागे राहिले नसते. जे जे सेवेकर्याच्या मनाला येईल त्याचे गोड कौतुक समर्थ पुरवितात. पुरवले जाते. मनाचे आधीन असले तरी त्या सेवेकऱ्याचे कोडकौतुक पुरविण्याचे बाकी ठेवले आहे का? ©️